रोजच्या वापरातील ‘या’ वस्तूंवर असतात ४०० पट जीवाणू

रोजच्या वापरातील ‘या’ वस्तूंवर असतात ४०० पट जीवाणू

आपण कपडे स्वच्छ व धुतलेले वापरतो. मात्र, नेहमीच्या वापरातील वस्तूंची स्वच्छता करण्याकडे आपण लक्ष देत नाही. यामध्ये दागिने, घड्याळ यांचा समावेश आहे. या अशाच काही रोजच्या वापरातील वस्तूंमध्ये जवळपास ४०० पट अधिक जीवाणू असतात. या जीवाणूंमुळे गंभीर आजार होण्याचा धोका असतो. ब्रिटनमध्ये करण्यात आलेल्या संशोधनात हा दावा करण्यात आला आहे.

ब्रिटनमधील संशोधनानुसार, जवळपास दोन तृतीयांश लोक आपल्या एक्सेसररीजची स्वच्छता करत नाहीत. अंगठी, घड्याळ आणि इयररिंग या वस्तूंमध्ये टाइल्सशीटच्या तुलनेत जवळपास ४२८ पटीने अधिक विषाणू असतात. एका आठवड्यात या वस्तूंवरील जीवाणूंची संख्या हजारोंच्या संख्येत गेली असल्याची बाब संशोधनात समोर आली. ‘डेली मेल’ने दिलेल्या वृत्तानुसार, ज्वेलरीवर असलेल्या घातक जीवाणू हे फूड पॉइजनिंगला कारणीभूत ठरू शकतात. आपले हात प्रत्येक दिवशी असंख्य गोष्टींच्या संपर्कात येतात. ज्वेलरींची सफाई व्यवस्थित न केल्यामुळे जीवाणूंची संख्या वेगाने वाढत असल्याचे म्हटले आहे.

वाचा: ट्रम्प म्हणतात, करोना लस तयार; ‘इतक्या’ दिवसांत होणार उपलब्ध!

वाचा: फुंकर मारून होणार करोना चाचणी; ६० सेकंदात कळणार निकाल

त्याशिवाय, एका आठवड्यात अंगठीवर जवळपास पाच प्रकारचे जीवाणू आढळले. त्यातील एका जीवाणूंमुळे फुफ्फुसाचा आजार होण्याची शक्यता आहे. त्याशिवाय घडाळ्यावर एका आठवड्यात चार प्रकारचे विषाणू आढळले. या वस्तू आपल्या दररोजच्या वापरातील असतात. मात्र, त्यांची सफाई, स्वच्छता केली जात नाही. एका माणून तासाला जवळपास १६ वेळेस हात लावतो. त्यामुळे तोंडावाटे जीवाणू शरीरात जाण्याचा धोका आहे. दररोजच्या वापरातील अनेक वस्तूंकडे स्वच्छतेकडे दुर्लक्ष होते. मात्र, ही समस्या किती गंभीर असू शकते हे या संशोधनामुळे समोर आले आहे.

वाचा: अरे बापरे! लस चाचणीत एका स्वयंसेवकाचा मृत्यू; तरीही चाचणी सुरू राहणार!

दरम्यान, करोनाच्या संसर्गाला अटकाव करण्यासाठी विविध पातळीवर प्रयत्न सुरू आहेत. एकीकडे करोनाला मात देण्यासाठी लस विकसित करण्याचे प्रयत्न सुरू असून दुसरीकडे करोनाच्या विषाणूला दूर ठेवण्यासाठीही संशोधन सुरू आहे. माउथवॉशच्या वापरामुळे

करोना

विषाणू निष्क्रिय करून सार्स कोविड-१९ ची बाधा रोखता येऊ शकते, असा दावा संशोधनात करण्यात आला आहे.

काही माउथवॉश आणि तोंडाच्या स्वच्छतेसाठी वापरण्यात येणाऱ्या अॅण्टीसेफ्टीक औषधांच्या वापरामुळे करोनाचा विषाणू निष्क्रिय होऊ शकतो. वैद्यकीय नियतकालिक ‘मेडिकल वायरोलॉजी’ या पत्रिकेत प्रकाशित झालेल्या संशोधनात हा दावा करण्यात आला आहे. काही माउथवॉश आणि अॅण्टीसेफ्टीक औषधांच्या वापरामुळे तोंडात असणाऱ्या विषाणूंच्या प्रमाणाला कमी करू शकतात.

administrator

    Related Articles

    प्रतिक्रिया व्यक्त करा

    आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत