रेमडेसिवीरचा काळाबाजार करणाऱ्या काँग्रेस पदाधिकाऱ्याला काँग्रेस

रेमडेसिवीरचा काळाबाजार करणाऱ्या काँग्रेस पदाधिकाऱ्याला काँग्रेस

राज्यात जिथे एकीकडे रेमडेसिवीरचा तुटवडा जाणवत आहे तिकडे दुसरीकडे या इंजेक्शनचा काळाबाजारही खूप वाढला आहे. शनिवारी खारघर पोलीसांनी अशाच एका काळाबाजार करणाऱ्या इसमाला अटक केली आहे. हा काळाबाजार करणारा इसम महाराष्ट्रातील सत्तधारी काँग्रेस पक्षाचा पदाधिकारी आहे.

देशात सध्या कोविडची दुसरी लाट सुरु आहे. सारा देश या लाटेत होरपळून निघत आहे. कुठे बेड्स मिळत नाहीयेत, कुठे ऑक्सिजनची कमतरता आहे तर कुठे व्हेंटिलेटर नाहीयेत. कोविडच्या उपचारात अत्यंत महत्वपूर्ण असणाऱ्या रेमडेसिवीर इंजेक्शनचाही तुटवडा जाणवत आहे. रेमडेसिवीरची मागणी अधिक आहे आणि पुरवठा कमी. अशा परिस्थितीत या इंजेक्शनचा काळा बाजारही मोठ्या प्रमाणावर वाढला आहे. असाच एक प्रकार नवी मुंबई इथल्या खारघरमध्ये उघडकीस आला.

शनिवार, २४ एप्रिल रोजी खारघर पोलिसांनी रेमडेसिवीरचा काळा बाजार करणाऱ्या हरपिंदर वीर याला अटक केली आहे. हरपिंदर वीर हा काँग्रेस पक्षाचा पदाधिकारी आहे. वीर हा १५००० ला एक इंजेक्शन विकत काळाबाजार करत होता. पनवेलचे आमदार प्रशांत ठाकूर यांनी या संबंधीचे ट्विट करत हरपिंदर वीरचे संभाषण शेअर केले आहे. याचवेळी त्यांनी ठाकरे सरकारवरही निशाणा साधला आहे. “सत्ताधारी पक्षाचे कार्यकर्ते रेमडेसिवीरचा काळा बाजार करत असतील तर सामान्य जनतेचे काय?” असा सवाल ठाकुरांनी विचारला आहे.

author

    Related Articles

    प्रतिक्रिया व्यक्त करा

    आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत