या ५ चुकीच्या सवयींमुळे तुमच्या चेहऱ्यावर येवू शकतात मुरुम आणि बारीक पुरळ; जाणून घ्या सविस्तर माहिती

या ५ चुकीच्या सवयींमुळे तुमच्या चेहऱ्यावर येवू शकतात मुरुम आणि बारीक पुरळ; जाणून घ्या सविस्तर माहिती

या वाढत्या वयोमानानुसार काही मुला-मुलींच्या चेहऱ्यावर मुरुम, बारीक पुरळ येतात. ही समस्या शरीरातील हार्मोनीयम मधील बदलामुळेही उद्भवते. पण बऱ्याचदा चुकीच्या सवयींमुळेही पुरळ, मुरुमांचा सामना आपल्याला करावा लागतो.

खाण्यापिण्याच्या वाईट सवयींमुळेही चेहऱ्याच्या त्वचेचं भरपूर नुकसान होते, हे लक्षात घ्या. चेहऱ्यावर वारंवार येणाऱ्या मुरुमांच्या समस्येपासून मुक्तता मिळवायची असेल तर तुम्हाला या पाच सवयी वेळीच थांबवणे गरजेचं आहे. जाणून घ्या त्याबद्दल सविस्तर माहिती…

​वयानुसार प्रोडक्टचा उपयोग करू नका;
वयानुसार उत्पादनांचा वापर न केल्यासही त्वचा खराब होऊ शकते, याबाबत कदाचित बऱ्याच जणांना माहिती नसेल. पण हे सत्य आहे. उदाहरणार्थ जर आपण वेळेपूर्वीच अँटी-एजिंग क्रीमचा उपयोग केल्यास या प्रोडक्टमधील सुरकुत्यांच्या समस्येविरोधात लढणाऱ्या तत्त्वांमुळे त्वचेचं नुकसान होण्याची शक्यता असते. यामुळे मुरुम यासह अन्य समस्याही उद्वभवू शकतात. हे नुकसान टाळण्यासाठी त्वचा रोगतज्ज्ञांशी संपर्क साधा आणि त्यांच्या सल्ल्यानुसारच ब्युटी प्रोडक्ट्सचा वापर करा.

​साबणाचा अति वापर;
साबणाच्या अति वापरामुळे चेहऱ्याचे केवळ नुकसानच होते, अशी माहिती कित्येक संशोधनाद्वारे सिद्ध झाली आहे. साबणाच्या अति वापरामुळे चेहऱ्याच्या त्वचेवरील नैसर्गिक ओलावा आणि मॉइश्चराइझरवर वाईट परिणाम होतात. यामुळे त्वचा कोरडी होऊ लागते तसेच त्वचेमध्ये हानिकारक सूक्ष्म जंतूही प्रवेश करण्याची शक्यता निर्माण होते. म्हणूनच साबणाऐवजी सौम्य फेस वॉशचा उपयोग करावा. यामुळे त्वचा निरोगी राहण्यास मदत मिळेल.

​चेहऱ्याला वारंवार स्पर्श करणे;
चेहऱ्याला वारंवार स्पर्श करण्याच्या सवयीमुळे मुरुमांच्या समस्येस तुम्ही आयते निमंत्रण देत आहात. आपले हात स्वच्छ आहेत, असे प्रत्येकालाच वाटते. पण कळत-नकळत कित्येक अस्वच्छ गोष्टींना आपण स्पर्श करत असतो. धूळ-माती, प्रदूषण, बॅक्टेरियांच्याही संपर्कात आपण येत असतो. यादरम्यानच चेहऱ्याला वारंवार स्पर्श केल्याने त्वचेशी संबंधित समस्या उद्भवतात.

​अधिक प्रमाणात जंक फूड खाणे;
तेलकट, तुपकट, मसालेदार, जंक फूडमुळे केवळ आरोग्यासच नव्हे तर आपल्या त्वचेशी संबंधित समस्याही उद्भवतात. तुम्ही ज्या-ज्या खाद्यपदार्थांचे सेवन करता, त्याचे थेट परिणाम आपल्या त्वचेवर होतात, हे लक्षात ठेवा. म्हणूनच त्वचा रोगतज्ज्ञ जंक फूड वर्ज्य करण्याचा सल्ला देतात. याऐवजी फळे, सॅलेड, डाळी, पौष्टिक पेय यासारख्या पदार्थांचा आहारात समावेश करण्याचा सल्ला दिला जातो.

​रात्री झोपण्यापूर्वी चेहरा स्वच्छ न धुणे;
चेहऱ्यावरील मेकअप न काढणे अथवा रात्री झोपण्यापूर्वी चेहरा स्वच्छ न धुणे यामुळे त्वचेवर हानिकारक बॅक्टेरिया जमा होतात. याद्वारे त्वचेवरील रोमछिंद्रामध्येही दुर्गंध जमा होऊ लागते. परिणामी मुरुम, पुरळ यासारख्या समस्या उद्भवू लागतात. या सवयी वेळीच न रोखल्यास त्वचेशी संबंधित गंभीर समस्या निर्माण होऊ शकतात.

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यायला विसरू नका.

author

    Related Articles

    प्रतिक्रिया व्यक्त करा

    आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत